МОЈОТ ШЛАГ ЗА ТЕЛО

Не, ни малку не се шегувам. Овa што сега сакам да ви го претставам е навистина како шлаг за вашето тело! Што е шлагот за тортата, тоа е ши путерот (shea butter) за телото. А плус, и изгледа како прав шлаг! Зарем не?

МОЈОТ ОМИЛЕН ШЛАГ ЗА ТЕЛО!

Планирам да отворам нова страница на блогот, каде што би ги излистала сите состојки кои ги користам за правење на моите сапуни и останатите производи за нега на тело, кои би бил информативен, за да видите кои својства сите тие ги имаат на нашата кожа. 

Но, неможам овде а да не го опишам тој прекрасен подарок од  природата, неговото височество ШИ ПУТЕРОТ. Веќе го спомнав во овој пост, а сега подетално ќе го раскажеме. 

Ши путерот се добива од плодовите на карите палма (Butyrosperum parkii) која расте во Западна и Централна Африка.

Од дамнешните времиња, до денес, добивањето на путер останала женска работа. Тежок е и напорен процесот за добивање на ши путер кои е спремен за понатамошна козметичка употреба. Ши путерот го нарекуваат најкорисен производ за нега на телото на денешницата. Со таа својата особина, станал најбарана и најпрепорачувана состојка во производите за нега. Дерматолозите во САД и Западна Европа почнале да го препорачуваат на своите пациенти, а големите козметички гиганти почнале да го стават во своите производи. Но, тие го стават во симболични количини, за да можат да напишат на декларацијата дека во производот се наоѓа и ши путер. Се разбира, причина за то е неговата цена!

Ши путерот делува како природен штит на кожата од надворешни загадувања, смог, чад, хемиски агенси во атмосферата. Обилува со витамините А, Е и Ф и есенцијалните масни киселини. Нанесен на кожата, тој ја прави мазна, мека и нежна. Заради тие свои својства, ши путерот станал средство бр.1 кога се работи за хидратација и влажност на кожата.

Еве уште некои од својствата кои се припишуват на ши  путерот:

• помага при лекување на лузни, стрии и изгореници
• спречува пукање на кожата, црвенило (предизвикано најчесто од ладно, или пак топло време и има SPF 6 (Sun Protective Factor))
• кога ќе се нанесе на кожата на главата, ја штити од црвенило, спречува првут
• помага кај модринки и повреди на мускулите
• спречува иритации на бебешката кожа, а со генерации се користи за да бебињата спијат подобро
• Идеален кај нега на сува, осетлива кожа, кај екцеми и дерматитиси
• Ги подмладува порите на кожата и додава еластичност
• Ја зацврнуснува кожата и помага при намалувањето на брчките

Со сите овие негувачки, заштитни и регенаративни својства, ши путерот се смета за луксузна состојка . А можеби најдобро од се е што се користи како за лицето, така и за телото, затоа што спаѓа во некомедогени масла, т.е путери (не ги запушува порите).

Има ли потреба уште да го опишувам ово богатство од природата?

А можеби најдобар показател што јас мислам за овој мој шлаг е тоа што го мачкам моето бебе од глава до петици токму со овој путер. Го сакам и другиот вид на ши путер, оној цврстиот, кои што се топи кога ќе го протриете меѓу рацете, но овој ми е поомилен, а и полесно го користам за мачкање на моето детенце.

...преку сиров ши путер

Од плод на карите палма...

...до МОЈОТ ОМИЛЕН ШЛАГ ЗА ТЕЛО

Не е безначајно да  споменам дека во мојот омилен шлаг има и ЈОЈОБИНО, како и БАДЕМОВО МАСЛО!

За јојобиното масло ќе ви раскажам на посебната страница, која што морам наскоро да ја завршам, затоа што јојобиното масло е другиот подарок од природата, со чудесни својства, а за почеток да ви кажам дека јојобиното масло е најслично по својот состав на себумот на човечката кожа, и дека затоа е идеално за сите типови на кожа, за сите старосни групи и сите намени, бидејќи лесно се впива, а кожата ви е мазна, негувана и среќна. Јас го користам како ноќна нега само јојобиното масло и сум презадоволна од својата кожа на лицето! 

А во врска со тоа "Diva Soap" наскоро почнува со правење на креми за лице со јојобино масло!
Затоа, останете тука да не читате, следуваат многу интересни и корисни стории!

Ви благодарам ако останавте до крајот на овој пост (    :-) lol    )! 

Состав/Ingredients: Ши путер (Butyrosperum parkii), Кокосово масло (Cocos nucifera), Јојобино масло (Simmondsia chinensis), Бадемово масло (Prunus amygdalis dulcus), Витамин Е (Vitamine E)
Алтернативно:  Ши путер, Кокосово масло, Мацерат од невен во маслиново масло и авокадово масло, Витамин Е


Дознајте повеќе за природна козметика во овој текст