"PASTEL SENSITIVE"

Овој сапун е уште еден од сапуните наменети за осетлива и сува кожа.
За разлика од претходниот, кои обилува со бадемово масло, овој сапун содржи неверојатни 15% на ши путер (shea butter) и 40%  екстра девствено маслиново масло. Овие масла не прават големи меурчиња во сапунот, но затоа ние додадовме рицинусово масло во богат процент,за гооолеми меурчиња.

Ши путерот обилува со витамини А, Е и Ф, како и со други витамини и минерали. Витамините А и Е омекнуваат, хидрираат и обезбедуваат колаген на кожата, а тоа е значајно во борбата со брчки и други знаци на стареење. Витаминот Ф содржи есенцијални масни киселини и помага во превенција и ревитализација на оштетената кожа.

"Diva Soap" прави путери за тело,  цврсти и во вид на крема, со ши путер, како една од  главните состојки. За тоа ќе пишуваме подетално кога ќе го представиме путерот за тело. Колку се добри овие путери за тело, ќе мора да им посветиме посебен пост, затоа што со своето богатство на вредни материи, тие тоа го заслужуваат.

Но, за сега да се вратиме на овој сапун. Како што видовте, тој обилува со нежни,негувачки масла и затоа е наменет за осетлива кожа.
Но, тоа не е се!
Додаток на овој сапун е млеко од кокос. Како сите млека, и ова дава кремаста пена и ја остава кожата нежна и мека. На некои сапунџии, но и потрошувачи, кокосовото млеко им е најомилено. Изборот е секогаш индивидуален, а понекогаш, разликата помеѓу млеката во самиот сапун, е дури  неприметнa.
Мирисот на овој сапун е благо цветен и дискретен.
Боите се пигменти, плав, црвен, црн и зелен, со титаниум-диоксид.
Неговата пастелна композиија е направена за да биде и нежен и забавен. Јас ги обожавам и необоените сапуни, но морам да признаам дека  шарените се сепак позабавни.

 Состав (Ingredients): Eкстра девствено маслиново масло (ExtraVirginОlea Europaea), Кокосово масло (Cocos nucifera), Ши бутер (Butyrospermum parkii), Палмино масло (Elaeis guineensis),  Рицинусово масло ( Ricinus communis ), Пречистена бода (Purified water) Натриум-хидроксид (Sodium-hydroxide- saponifying agent), Кокосово млеко (Coconut milk), мирис (fragrance), пигменти (pigments).

Се надевам дека ви се допада овој сапун и дека се забавувавте додека го читавте овој пост!

Следат и многу други новини, свратете пак.....