"SAILOR'S SOLACE"

Кој кажа дека мажите не сакаат козметички производи!
Мојот сигурно не е од таа врста, бидејќи ми е прв муштерија и потрошувач. Едвај чека да ги проба сите нови сапуни.
За сите мажи кои сакаат да си ја негуваат кожата, пристигнува еден сапун токму за нив!

Неговиот мирис се вика "Marine man" и затоа го замислив да биде темно син. Точките на него се  активен јаглен, кој помага за детоксикацијата на кожа. Активниот јаглен е познат како снажен собирач на штетни материи од телото, но исто така и од кожата.

Се користи воглавно за мрсна кожа, од која го собира површинскиот слој себум, мртвите клетки и ги чисти порите. 

Активниот јаглен е честа состојка на маските за лице, а и во сапун ја покажува истата функција. Секако, од време на време треба да се користи и маска за лице, бидејќи таа сепак останува на лицето некое време за темелно делување, додека сапунот е идеално средство за секојдневно чистење на мрсна кожа. За нормална кожа се препорачува употреба неколку пати во неделата, што секој си дефинира спрема состојбата на кожата и потребите.

И овој сапун го направивме со козје млеко, бидејќи и мажите заслужуваат кремаста, млечна и хранлива нега за својата кожа. Ја сум од оние што ги сакаат сите природни, рачно правени сапуни, но морам да признам дека многу сакам сапуни со млеко, како и оние кои содржат некоја додатна состојка, која  сапунот го прави единствен.

Тоа што мириса на јак, свеж маж, не значи дека дамите не можат да го користат. Или да го крадат од својата "појака половина".

"Diva Soap" ги има и дамските сапуни за ова намена, па ако сте порасположени за таа верзија, останете на нашите страници, за да видите уште какви сапуни "Diva" ќе ви понуди.


Состав (Ingredients): Маслиново масло (Оlea Europaea), Кокосово масло (Cocos nucifera), Палмино масло (Elaeis guineensis), Натриум- хидроксид (Sodium-hydroxide- saponifying agent), Kозје млеко, (Goat milk), Рицинусово масло (Ricinus communis), Бадемово масло (Prunus amygdalis dulcus), Ладно цедено сончогледово масло (Cold pressed Helianthus annuus Seed Oil), активен јаглен (Аctivated charcoal), пигменти, мирис (fragrance) 


Се надевам дека ви се допадна и овој наш сапун, и дека сте сместени во своите топли домови, со топла напивка и нашиот блог!

Поздрав до сите што не читаат!