"FLY TO SKY"

Бидејќи луѓето почнаa се повеќе да се распрашуваaт за 'Diva Soap', одлучив да ги ставам на ФБ страницата сите сапуни кои се дозреани и се на располагање. Морам да кажам дека од старите сапуни повеќе немам ниту еден и среќна сам поради тоа. Многумина ми се јавуваат за да ми кажат како им одговараат сапуни, како им ги рeшаваат проблемите со кожата, но многу малку го кажуваат тоа на самиот блог, или ФБ страницата :-(
Иако овој сапун го постирав на ФБ страницата, сакам да кажам малку повеќе за него. Неговиот изглед од прва ми даде идеја за неговото име. Еве, погледнете и сами

Овој сапун е направен од осум вида на масла и путери и три вида на млечни производи, што го прави луксузен. 

Од млечните производи, тука се козјо млеко, јогурт и слатка павлака, што ми стана омилена комбинација на течност во сапун. Тaа комбинација дава толку кремастo чувство на пена, што мислите дeка се капете со крема, а не со сапун. Секако, за разлика од крема, овој сапун ќе ви даде богата, густа пена. Најдоброто нешто при користењето на 'Diva' сапуни можеби е тоа што сте потполно ослободени од секојдневно мачкање со разни креми и лосиони. Ако имате нормална, па дури и сува кожа, можеби ќе заборавите кога  последен пат сте гo намачкале телото (ха,ха, како јас на пример!).

Од масла и путери, направив богата комбинација која ќе ви ја исчисти кожата, ќе ја хидрира и негува . Во овој сапун ставив и ши и какао путер, за дупла хидратација.

Боите се пигменти, кои сосема се безбедни за употреба на човечка кожа (прочитајте повеќе овој пост), а сапунот мириса на Dove тип на сапуни.

Се надевам дека наскоро ќе успеам да создадам можност за сите македонски купувачи од целата земја,  по поволни услови да нарачат  и добијат сапун преку пошта. 

До сега, многу од нашите сапуни патуваа по странство, а помал дел се продаваа во Македонија. Би сакала  македонски купувачи и корисници повеќе да се запознаат со 'Diva Soap' сапуните, како и бенефитите на користењето на природни сапуни, кои што се права реткост во Македонија.

Сите ве поздравувам и охрабрувам сите кои ги пробале 'Diva' сапуните да се  јават слободно со коментар и мислење.

Ви благодарам што читате DivaSoap блог! 

 Состав / Ingredients: Сапонифицирани масла/ Saponified oils - Маслиново (Оlea Europaea oil), Кокосово (Cocos nucifera oil), Палмино (Elaeis guineensis oil), Рицинусово (Ricinus communis oil ), Ладно цедено сончогледово ( Helianthus annuus Seed oil) , Масло од маслодајна репка (Brassica napus oil), Козјо млеко (Goats milk), Јогурт (Yogurt), Слатка павлака (Heavy cream),  Какао путер (Theobroma cacao butter), Ши путер (Butyrospermum parkii fruit - butter), пигменти (pigments), мирис (fragrance).