'Diva' природна нега (3. дел)- МАСКА и ПИЛИНГ ЗА ЛИЦЕ

Третиот, и за сега последниот дел на серијалот за природна козметика, го оставивме за ’рибање’ и детоксикација на кожата.

МАСКА ЗА ЛИЦЕ СО КАОЛИН ГЛИНА И ЈОЈОБИНО МАСЛО

(FACIAL MASK WITH KAOLIN CLAY AND JOJOBA OIL) 

Две работи кои треба да се практикуват за добар изглед на кожата, се пилингот и вода,вода,вода- од надвор и внатре!
Пилингот можете да го правите на много начини и со разни препарати, а денес ви го представувам кремастиот (емулгованиот) пилинг за лице 

Каолин глината е една од најпознатите и најблагите глини кои се користат при третмани на кожа, а посебно за маски.
Им одговара на сите типови на кожа.
Глината е потполно природна и нетоксична и поради тоа не постојат несакани дејствиа, ниту контраиндикации за нејзината употреба. Блага е и нежно ја детоксифицира дури и сувата и осетлива кожа, потикнувајќи ја микро циркулацијата и своите минерали ги пренесува на кожата, правеќи ја похидрирана.
Кај мрсната кожа делува така што го ограничува лачењето на себумот, кој е главна причина за мрсна кожа. Заедно со етеричното масло од чајавец, маската ја балансира мрсната кожа и го контолира себумот.
Покрај детокс функцијата, каолин глината се користи и за изгореници, екцеми и розацеа.

Еве како изгледа:

мазно и убаво

Единствената маслена компонента (покрај билниот, природен емулгатор) во маската е јојобиното масло.

За јојобиното масло можете повеќе да прочитате во овој пост

Кратко само да спомнам дека, исто како и каолинот, така и јојобиното масло се користи за сите типови на кожа.

Етеричното масло од чајно дрво, или чајевец, има антисептичко и антибактериско дејство и поради тоа, ова е главно масло кое се препорачува за мрсна и акнозна кожа. Поврзано со тоа се и кожните инфекции, кои успешно се санираат со ова етерично масло.

  

убава конзистенција, лесно наносива, свиленкаст осет

КАКО СЕ КОРИСТИ: Маската се користи како и
било која друга маска. На чисто и влажно лице се нанесува потребната количина на маска, при што се избегнуваат устата и предел околу очите. Се држи додека не се исуши на кожата. Поради емулгаторот, додаденото јојобино масло и глицеринот, маската не ви дава чувство на силно затегање, какво е вообичаено кај маските кои се прават во домашни услови (вода+ глина). Кога се испира, се ствара фина млечна емулзија, која, откако ќе се измие, ви ја остава кожата мека и нежна.

КРЕМАСТ ПИЛИНГ ЗА ЛИЦЕ

(EMULSIFIED FACAIL SCRUB)

Пред некое време го представивме кремастиот пилинг за тело. Тој е составен само од масла и путери и содржи емулгаторот, кој при допир со вода се претвара во крема/млеко, додека како ексфолијант е користен шеќер. Овој пилинг за тело е практично  2 во 1, бидејќи после него не мора да ствате никакво млеко, ниту лосион, сосема се доволни маслата и путерите во него.

После овој, на ред дојде и сличен пилинг за лице.

Рецептурата е малку сменета и тоа така што ги исфрливме путерите (лично, не сум фан на користење путери на лице), а додадовме некои други масла- макадамија, масло од кајсија и масло од тиква. За подобро чистење на лицето, во пилингот се наоѓа розева каолин глина.

Како ексфолијанти се користени семки од јагода и розева хималајска сол.

facial scrubs- both with pink kaolin, almond, apricot kernel, sunflower oils and orange essential oil

За разлика од пилинзите за тело, кои ги правам со фантастични, најразновидни парфеми (наменети за козметички производи), се што оди на лицето, го правам со етерични масла. Не поради причина што сакам да мирисат (некои дури и не мирисат пријатно), но поради нивното терапевтско дејствие.
Етеричното масло од портокал за овој пилинг не е одбрано само поради прекрасниот мирис, туку и поради неговите карактеристики: релаксирачко, смирувачко дејтвие, како и благотворно влијание врз акните, дерматитис, а како и многи други масла, и ова има антибактериско и дезинфекционо дејсто.

Семките од јагоди се ексклузивитетот на овој производ.  Се разбира, семките се наменети токму за козметичката, т.е. ексфолијантната функција (да не мислите дека јас сум ги произвела, ха-ха). Сепак, хималајската сол подобро го прави пилингот.

КАКО СЕ КОРИСТИ: На чиста и влажна кожа, со суви прсти земете количина како за половина кафена лажица и нанесете на лице. Со кружни движења се разнесува по целото лице и се прави масажа. Ексфолијантот во пилингот ќе го направи своето, а вие ќе добиете фина, млечна емулзија.
Еве ваква:

Сликите се направени под вештачко осветлување, но се гледа дека лицето е бело. Со неколку капки вода, емулзијата станува се помлечна. Откако ќе завршите со пилингот, измијте го лицето и та-да .....готово. Кожата останува неверојатно мека и мазна и не ви треба крема.
Чувството е прекрасно!

Ете, само за вас, драги мои читатели, јас ги демонстрирав производите, за да видите како изгледаат кога се користат. А уште подобро се чувстуваат!

Имајте убав викенд!

Можеби ве интересираат и претходните текстови од серијалот:

1. 'Diva' природна нега - Течен и Хамам сапун

2. 'Diva' природна нега -  лукс Крема за лице

read more "'Diva' природна нега (3. дел)- МАСКА и ПИЛИНГ ЗА ЛИЦЕ "

'Diva' природна нега (2.дел)- LUX подмладувачка крема за лице

Веќе некое време, во 'Diva' се прават разни други производи за нега. 

Кога се занимавате со козметика, секогаш имате желба и потреба да одите чекор понапред, да направите нов производ, првенствено за вашите лични потреби.

Како што рече мојот маж: „ Ние повеќе ништо не купуваме, освен паста за заби“!

(By the way, и пастата за заби може да се направи природна).

Денес ви презентирам некои сосема нови производи, кои ми одземаат многу внимание и труд околу формулацијата и изработката. 

Кога правите нешто за себе и своите најблиски, имате слобода да не размислувате за крајната цена на производите и тогаш правете висококвалитетни и делотворни производи.
Листата на доброволни ’тестери’ се зголемува, исто како и асортиманот на производите.

 За сега, сите што пробале, биле презадоволни од резултатите, така да веќе експериментите се претвориле во рутински рецепти со кои нема промашувања.

некои нови производи

Иако кремите за лице не се нешто ново што го правам, морам да признам дека апетит да се направи совршена крема и да се набават новите состојки, постојано расте и сега кремите ми се се поубави и поквалитетни.
Подсетете се како се прават кремите за лице и што е она што МОРААТ тие да содржат.
Ве предупредувам да кремите и лосионите не се прават со пчелин восок и боракс, не можам да ве охрабрам да ги пробувате рецептите со овие состојки, што можат да се најдат по домашните портали. Бораксот, или Sodium Borate, е минерал кој се наоѓа во природа, има висока pH вредност (околу 9-11), што никако не одговара на pH вредността на кожата, која има околу  5.5.-6.5 Со оглед на тоа дека бораксот би го користеле за лосион/крема, тој е предвиден да стои на кожата, а со толку висока pH вредност, можете само да си наштетите. Бораксот се смета за извонреден иританс на кожата и НИКАКО не ви го препорачувам (АМА НИКАКО). Него можете да го користите само за правење детергент за алишта.
Запамтете, ако производот има вода, тој мора да има емулгатор и конзерванс. Другите обиди да се направи крема се импровизација, со која можете да имате повеќе  штета отколку корист.

ЛУКСУЗНА НОЌНА КРЕМА ЗА ЛИЦЕ ЗА ЗРЕЛА И СУВА КОЖА

(Luxury night facial cream for mature анд dry skin)

Кремата на сликата, во моментов, е мојата омилена, со 100% алое вера гел, со масла од арган, макадамија и шипка, масла кои се богати, хранливи, кои одговараат на сите типови на кожа, а најважно, добри се за зрела кожа и одржување на младалачки изглед.

богата, хранлива крема

• Алое Вера- билка која има милион употреби, од конзумација на свеж гел, употреба за кожа, па до најразновидни препарати, капсули, суплементи и додатоци на исхраната. Нејзините ублажувачки својства врз кожата ја прават подобна за широка, универзална употреба- било да се работи за воспалена кожа, повреди, кожни заболувања, па и за здрава кожа. Поради тоа, алојата денес завзема важно место во козметичката индустрија. Ја користевме за сапуните '3S' и 'Face Fresh'

• Макадамија- масло кое лесно се впива во кожата и не дава мрсно чувство. Содржи палмитолеинска мрсна киселина, која се наоѓа и во себумот, па затоа се вели дека е одлично за сувата кожа. Но, како кожата со тек на време рапидно ја губи ова киселина, маслото од макадамија е идеално и за зрела кожа. Останатите мрсни киселини во состав на ова масло, олеинска, линолеинска му дават фантастични регенеративни и хидрирачки способности. Исто така, богатство на фитостероли го чинат смирувачко и лековито врз оштетената кожа.

• Арган - сигурна сум дека многу се знае за ова масло. Едно од најмоќните масла кога се работи за зрела кожа- тоа ја регенерира, штити, поправа нејзината еластичност, поттикнува обновување на клетките и помага кај кожни заболувања. Богато е со есенцијални мрсни киселини, витамин Е, полифеноли, кои имаат регенеративно дејствие. 

• Шипка- уште едно од маслата, кои се борат за млада и затегната кожа. Масло од семки од шипка е богато со витамин Ц, кој, слично како и витаминот Е, има антиоксидативни својства, па поради тоа,  е одличен за пеглање на брчки, за уједначување на пигментацијата, регенерација, за третирање на стрии, екцеми, псоријаза. Кога станува збор за третирање на акни, ова масло е пребогато со есенцијални мрсни киселини кои делуват анти акнозно, но сепак постојат мислења дека ова масло треба да се користи во пост-акнозна фаза, за залекување на лузни и неправилности кои настанале како последица на акни. 

Прекрасни, ладно цедени масла

Сите овие три масла лесно се впиваат во кожата и сите се препорачуваат за нега на зрела, но и сува кожа.
Мојата кожа е мрсна, но како не сум веќе во дваесетите (а и од триесетите се простив, ууупс), јас ја користам како ноќна крема. Богата е, лесно се впива, а наутро остава осет на мека кожа, која во летниот период и не бара никаква дополнителна дневна хидратација (освен заштита од УВ зраци и лесна подлога за шминка)

готова крема, пред пакување

Покрај овие луксузна масла, кремата е обогатена со алантоин. Алантоинот е природна супстанца која ја штити кожата од иритација, ја зголемува количината на вода која служи како активација на ќелијски раст, ја поттикнува регенерацијата на кожата и има силно противвоспалувачко дејствие. Се користи во козметичките производи и поради неговата особина да и  овозможи на кожата полесно да се ослободи од надворешниот слој на изумрени клетки. Потполно е нетоксичен, не дава алергии и затоа една од најсаканите состојки во производите за нега на кожа.

 Но, уште не е крај на списокот на состојките.

Пантенол, или провитамин Б, е исклучителен хумектант, што значи дека ја привлекува водата и ја задржува,  емолиент (негува и омекнува), помага при зарастување на раните и епителизација на оштетена кожа.

Тука е и витаминот Е, анти-оксиданс, кој ги спречува слободните радикали да делуваат и со тоа ја подмладува и чува кожата.

Јас мислам дека ниту една комерцијална крема нема да ми пружи ваква темелна нега. 

За нега на кожа која веќе не е во дваесетите, овде фали уште само хијалуринска киселина .

Но секако, богатството на овие масла и додатоци се сосема доволни за да се сочуват и потикнат природните ресурси и способности на кожа.

На крај, но не и најмалку битно, тука е и ЕЛЕМИ етеричното масло. Не многу познато кај нас, ретко и единствено, ова етерично масло потекнува од смолите од дрвото кое што расте на Филипините. Веќе самите можете да погодите, се користи за подмладување на кожата. Ги редуцира фините брчки, дури и лузни, го подобрува тонусот на кожата, но има и многу пошироко дејствие. Како многи други етерични масла, и елеми има антибактериски, аналгетски, антигабични, антивирусни  (па се користи и за акнозна кожа), делува смирувачки на нервниот систем итн.

Во третиот дел ќе и претставиме ПРИРОДНА МАСКА ЗА ЛИЦЕ со каолин глина и јојобино масло и КРЕМАСТ ПИЛИНГ ЗА ЛИЦЕ, со пак некои нови прекрасни масла!

До тогаш, уживајте во топли септемвриски денови!

Прочитајте останатите текстови на тема ’Природна козметка’:

1. 'Diva' природна нега - Течен и Хамам сапун

2. Природна козметика- вистини и заблуди

3. Природен, кремаст пилинг за тело

4. Природни лосиони за тело

5. Кремаст ши путер за тело

6. 'Diva' природна нега- Маска и Пилинг за лице

read more "'Diva' природна нега (2.дел)- LUX подмладувачка крема за лице "