head

25.11.14

'Honey Wash' & 'Dirty Duck'

Првен едно обавестување:



ПО ПОВОД НА ДВЕ ГОДИНИ ОД ПРВИОТ БЛОГ-ПОСТ И НА ФБ СТРАНИЦАТА , ОРГАНИЗИРАВМЕ НАГРАДНА ИГРА ЗА СИТЕ ЧИТАТЕЛИ ОД МАКЕДОНИЈА!
НАГРАДНАТА ИГРА Е ВО ТЕК НА НАШАТА ФБ СТРАНИЦА,А ПОДАРОКОТ Е СОСЕМА ПРИРОДЕН СЕТ ОД САПУН И БАЛЗАМ ЗА УСНИ!
(поставен е и Widget-от на десната маргина на блогот, кој ве носи директно на наградниот пост)
ПРИКЛУЧЕТЕ СЕ ЗА ДА ГО ОСВОИТЕ ОВОЈ ПОДАРОК!

СО СРЕЌА НА СИТЕ!



А сега, назад на сапуните!
Еден убав ден бев посебно инспирирана и направив два сапуни, кои за некој ден стигаат во продавницата!
Сапуните се тотално различни, но двата се забавни!
Се надевам дека ќе ви се допаднат!


природни сапуни, рачно изработени сапуни
кога инспирација надоаѓа....



'Honey Wash'

Веднаш, од самото име знаете дека во овој сапун ќе има мед. Медот е изврсен хумектант и емолиент, ја омекнува кожата и напросто, освен ако не сте алергични, нема на кого не му годи ова природна, богата намирница. Но, како и обично, каде ставаме мед, има и козјо млеко, а овде додадовме и слатка павлака. За квалитет +, тука е и какао путерот. Повторно вистинско колаче, нели?

природен сапун, рачно изработен сапун
свилен сапун со какао путер,  мед, козјо млеко и слатка павлака 

Многу ми е тешко да го опишем овој мирис. Ако сте го пробале 'Honey Wash' , кој има класичен и веродостоен мирис на мед, овој мирис е сосема поинаков. Поседува една остра, машка, слаткаста нота, и мене највеќе ме подсетува на, некогаш планетрано популарниот, 'Kouoros' од Yves Saint Laurent. Со горните цветно-билни  ноти, полни со нектар, па до донлите мошусни, медени и ваниласти ноти, кои ќе ве пренесат на мистичниот Ориент, овој мирис е пудраст, мошусен и меден! Екстремно ароматичен и впечатлив.


природен сапун, рачно изработен сапун
добри за позирање

На врвовите се наоѓа шеќерен глитер и топчиња.

врвовите




Состав : Sodium olivate, Sodium Cocoate, Sodium Palmate, Sodium Castorate, Sodium Cocoa Butterate, Sodium Sunflowerate, goat milk, heavy cream, honey, glycerine, pure silk fibres, micas, clays, premium cosmetic fragrance




'Dirty Duck'


Одамна не сум направила некој сапун специјално за деца. Иако, сите наши сапуни можат да се користат и за деца (за бебиња се препорачуваат сапуни без бои и мириси), овој е токму наменет да измами насмевка! 
Еве га нашато Валкано Пајче!

рачно изработен сапун, природни сапуни, сапуни за деца
детската насмевка е повредна и од сапунот


На сликава се гледа како сапунот изгледа спакуван.
Веднаш е спремен за некое детенце да му се израдува и ваков стига до вас.

Се разбира, сапунот е нежен за детската кожа, а мирисот на ништо друго нема да ве подсети, туку на детсво и топла бебешка купка.

Содржи какао путер и слатка павлака како додатоци на основните масла.

Еве како пајчињата настанаа:

во модла, исечени и разделени парчиња

Пајчето е малечко, но самиот сапун е околу 200 г. Тоа е огромно парче и единствено што ме секира е како мајките ќе се справуваат со него, кога ќе ги бањаат децата. Се разбира, сапунот може да се исече од страните и првен да се искористат тие помали парчиња, додека пајчето ќе ’плива ’ по средината на ’езерото’. На мајките им оставам сами да одлучат како ќе го користат сапунот, само е важно да го користат, наместо да го чуваат за украс! Малишаните сигурно повеќе ќе уживаат во бањањето со него.
А отпосле ќе им остане оваа играчка за некои идните бањања во када!


пајчето во крупен план

Еве уште некоја слика од ова шармантно пајче:






во малите детски раце


Состав : Sodium olivate, Sodium Cocoate, Sodium Palmate, Sodium Castorate, Sodium Cocoa Butterate, Sodium Sunflowerate, Sodium Lardate, heavy cream, glycerine, pure silk fibres, cosmetic pigments, premium cosmetic fragrance



Двата сапуни се достапни од 28.11.




read more " 'Honey Wash' & 'Dirty Duck'"

'Winter Berries'

Уште еден од новите,зимски сапуни. Можеби се вика ’зимски’, но мирисот, како и самиот сапун,дефинитивно е за сите сезони. Некако е вообичаено да под зимски мириси се подразбираат некои зачински, слатки ноти, потоа варијации со јаболки, тиква и ванила, или пеперминт и лимон, во некои ’потешки’ комбинации, со земјани, или дрвенасти ноти. Наспроти ваквата традиција, овој мирис е сосема спротивен!

природни, рачно изработени сапун, diva soap macedonia
нетипичен зимски сапун

На сликава долу, можете да видите како изгледа “зимската бобица“, т.е 'winter berry'. Ова растение е типично за Северна Америка и Канада и кога го гледате, сосема јасно и оправдано е неговото име. Се користи често за декорација во цветните аранжмани, а како мириса- е, тоа не можам да знам. Но, знам како мириса овој сапун, кој е инспириран со ова грмушка, а тоа е комбинација на овошни, зелени, свежи и чисти ноти. Верувам дека ќе им се допадне и на мажите. На дамите сигурно.


winter berry - photo source



Поради бобиците кои ја украсуваат ова грмушка, и сапунот има вметнати црвени парчиња на врвовите. Кокосот посипан одозгора наликува на снег, но тука и се завршува асоцијацијата на зима.

рачноизработен сапун, diva soap
snow& berries

Покрај тоа што содржи бадемово масло, во сапунот додадовме и кокосов путер, кој се прави од кокосови трошки. Путерите на сапунот му даваат покремаста пена и кондиционирање на кожата, бидејќи содржаат материи кои не се сапонифицираат, и тоа повеќе отколку маслата . Всушност, тие несапонифицирачки материи од маслата и путерите се она што го прават сапунот понежан и подобар.



Тука се и останатите битни фактори, како појдовни суровини, бои, мириси, количина на сода која се користи,  кои сите го прават сапунот добар, или подобар од некој друг. Не се сите рачно изработени сапуни исти, дури и во случај кога ги содржат истите состојки. Сапуните од козјо млеко на пример, се најмного користени и продавани сапуни, но тие бескрајно многу се разликуваат од произдодител до производител. Некои не пенат, некои ја исушуваат кожата, некои се со најефтини состојки направени, а некои не се ни природни.
За да ја видите разликата,  се плашам дека ќе морате сами да испробате и осетите на своја кожа сета ова што ви го објаснувам.  :-)




Сапунот е наменет за сите типови на кожа и достапен е од утре.

СоставSodium Olivate, Sodium Cocoate, Sodium Palmate, Sodium Castorate, Sodium Almondate, Sodium Sunflowerate, coconut butter, coconut shreds, silk fibers, glycerin, frnagrance






ПО ПОВОД НА ДВЕ ГОДИНИ ОД ПРВИОТ БЛОГ-ПОСТ И НА ФБ СТРАНИЦАТА, ОРГАНИЗИРАВМЕ НАГРАДНА ИГРА ЗА СИТЕ ЧИТАТЕЛИ ОД МАКЕДОНИЈА!
НАГРАДНАТА ИГРА Е ВО ТЕК НА НАШАТА ФБ СТРАНИЦА,А ПОДАРОКОТ Е СОСЕМА ПРИРОДЕН СЕТ ОД САПУН И БАЛЗАМ ЗА УСНИ!
ПРИКЛУЧЕТЕ СЕ ЗА ДА ГО ОСВОИТЕ ОВОЈ ПОДАРОК!

СО СРЕЌА НА СИТЕ!
read more "'Winter Berries'"

18.11.14

Бадеми, многу бадеми - 'Amaretto Musk'

Неее, не правиме колачи!!! Но, секако ќе посакате некоe кога ќe го држите  овој сапун во раце.
Слаткастиот мирис на топли колачи, со корка од мелени бадеми, со чоколаден и ванила фил, удобно сместен во фина мошусна паковка, сигурно ќе ве намами и да го грицнете сапунот. Можеби ќе треба да ставиме на етикетата :„Не е за јадење“!

дива сапуни,рачноправен сапун,rucno radjeni sapun,
не е торта, но содржи млеко, бадем и бадемово масло


Бидејќи тотално мириса на торта, на врвот можете да видите топки од шлаг, врз кои се посипани трошки од мелен бадем.
Сапунот има благ пилинг ефект, бидејќи низ него, низ сите слоеви, се наоѓат бадемовите трошки.

дива сапуни, рачно изработен сапун
слатки сапуни



рачно изработен сапун, природнни сапун,prirodni sapuni
'Sweets' with milk and almonds
Ако сте од оние кои ги сакаат слатките мириси кои подсетуваат на слатки, ова е вистинска посластица за вас. Но, искрено, дури и да не спаѓате, големи се шансите дека овој мирис ќе ви се допадне.

За перформансите не мораме повеќе ни да збориме, а сите што ги пробале, секако ќе потврдат- нашите сапуни ја чуваат влажноста на вашата кожа, грижејќи се да немате прекумерно сушење, а наспроти сите комерцијални средства за бањање, во нив немате иритирачки,синтетички пенливи! Чисто уживање, а и голем бенефит за здрава и негувана кожа. Ако се грижите и за човечката средина и екологија, природните сапуни се чист еколошки производ, тотално се раствараат во вода, не загадувајќи ја.
Ете, и тоа треба да се знае.

мирисни и сласни парчиња


Сапунот е за нормалан тип на кожа!
Ниту на еден тип на кожа, нема да му бидат лоши сапуните класифицирани како ’ за нормална кожа’.
За сапунот се користени природни глини како колоранти и какао прав.

Сапунот е достапен, побарајте го во продавницата!

Имајте убави моменти со нашите миризливи и природни производи!

рачно изработени сапуни, diva soap, rucno radjen sapun, природни сапун


Состав: Sodium Olivate, Sodium Cocoate, Sodium Palmate, Sodium Castorate, Sodium Almondate, goat milk, ground almonds, clays, cocoa powder, glycerin, silk fibres, frnagrance
read more "Бадеми, многу бадеми - 'Amaretto Musk'"